සංහිදියාව ඇති කිරීමට පෙර උතුරේ දෙමළ ජනතාවට යුක්තිය ඉටුවිය යුතු බවත්, එසේ වීමටනම් යුද අපරාධ පරීක්ෂණ කඩිනම් කර චූදිතයන්ට දඩුවම් පැමිණවීම අනිවාර්ය බවත්, ඒ සදහා යුක්තිගරුක සිංහල නායකයන් එක්විය යුතු බවත් උතුරු පළාත් මහ ඇමති සී.වී. විග්නේශ්වරන් පවසයි.
‘ජන සංහාර සැමරුම‘ නමින් නම්කර තිබූ සැමරුම් මාළාවේ අවසාන උත්සවය ඊයේ මැයි 18 මුලතිව් මුල්ලිවයිකාකාල් හී කොටි නායක වේළුපිල්ලේ ප්‍රභාකරන් මැරුම් කෑ ස්ථානයේදී පැවති අවස්ථාවේ උත්සව සභාව අමතමින් උතුරු පළාත් මහ ඇමතිවරයා මේ බව කියා සිටියේය.
සංහිඳියාව වෙනුවෙන් කිසිසේත්ම යුද අපරාධ පරීක්ෂණය අතහළ නොහැකි බවද විග්නේෂ්වරන් මහඇමතිවරයා එහිදී දැඩිව අවධාරණය කළේය.