ශ්රී ලංකාව ජාත්‍යන්තර මූල්‍ය අරමුදලින් ඇමරිකානු ඩොලර් මිලියන 816 ක පමණ මුදලක් (එස්ඞීආර් මිලියන 554.8ක්) ලැබීමට සුදුසුකම් ලබා ඇත. එම අරමුදල මගින් සිය සාමාජික රටවලට එහි ඉතිහාසයේ විශාලතම විශේෂ ගැනුම් හිමිකම් වෙන් කිරීම සිදුකර තිබේ.
ඇමරිකානු ඩොලර් බිලියන 650 ක ජාත්‍යන්තර මූල්‍ය අරමුදලේ ඉතිහාසයේ විශාලතම විශේෂ ගැනුම් හිමිකම් වෙන් කිරීම පෙරේදා (23)දින සිට බලාත්මක වන බව ජාත්‍යන්තර මූල්‍ය අරමුදලේ කළමනාකාර අධ්‍යක්ෂ ක‍්‍රිස්ටලිනා ජෝර්ජීවා මහත්මිය සඳහන් කර ඇත.
මෙම වෙන් කිරීම ලෝකය සඳහා කැපී පෙනෙන දායකත්වයක් ලබා දෙන අතර, ඥානාන්විතව භාවිත කරන්නේ නම්, මෙම පෙර නොවූ විරූ අර්බුදයට එරෙහිව සටන් කිරීමට සුවිශේෂී අවස්ථාවක් උදා කරනු ඇති බව ද ඇය පවසයි.