මහින්ද රාජපක්‍ෂ මහතා ජනාධිපති ධුරයෙන් ඉවත් කිරීම හොඳ ක්රියාවක් බව හිටපු නෝර්වේ අමාත්‍ය එරික් සෝල්හයිම් තමිල්නාඩුවේ චෙන්නායි නුවරදී ප්‍රකාශ කර ඇත.
ශ්‍රී ලංකාවේ අර්බුදයට විසඳුමක්‌ ලබාදීමේ අවස්‌ථාව දැන් එළඹ ඇති බවද හෙතෙම කියා සිටියේය. ප්‍රභාකරන් යුද්ධය කෙරෙහි විශ්වාසය තැබීම මෝඩ ක්රියාවක් බව පැවසූ සෝල්හයිම් මිනීමැරීම් නතර කරන ලෙස ප්‍රභාකරන්ට පැවසූවත් ඔහු ඊට කන් නොදුන් බවද පැවසීය.
තමිල්නාඩුවේ හින්දු පත්‍රයේ හිටපු කර්තෘ එන් රාම් හිටපු ඉන්දීය අගමැතිනි ඉන්දිරා ගාන්ධිට චෝදනා කරමින් ඇය ගරිල්ලා කණ්‌ඩායම් රැසකට ඉන්දියාව තුළ නිදහසේ කටයුතු කිරීමට ඉඩ දීමෙන් සිදු වූයේ රජීව් ගාන්ධි ඝාතනය වීම බවද හෙතෙම කීවේය.
ප්‍රභාකරන් අපරාධ කරන බව තේරුම් ගැනීමට නෝර්වේ රජය ක්‍රියා නොකළ බව පැවසූ රාම් නෝර්වේ රජය සිදු කළේ ශ්‍රී ලංකාව හා කොටි සංවිධානය සම තත්ත්වයට පත් කිරීම බව කියා සිටියේය.
කීර්ති වර්ණකුලසූරිය