මෙම මාස තුළ අයි.එම්.එෆ්. ණය මුදල ලැබෙනු ඇති බව රාජ්‍ය ඇමති තාරක බාලසූරිය පවසයි.
ඉන් අනතුරුව ආසියානු සංවර්ධන බැංකුවෙන් බිලියන 500ක මුදලක් ලබා දීමට ද පොරොන්දු වී ඇති බවත් ඔහු සදහන් කරයි.
ණය ප්‍රතිව්‍යුහගත කිරීමේ ක්‍රියාවලිය නිසා රටේ ආර්ථිකයේ ස්ථාවරත්වයක් ඇතිවනු ඇති බව ද එම නිසා එම ක්‍රියාවලියට සහාය දීමට සියලු දෙනා එක්විය යුතු බව ද රාජ්‍ය අමාත්‍යවරයා පවසයි.
විසඳුම් ඉදිරිපත් නොකර ජනතාව පාරට බැස්සවීමෙන් රටට සෙතක් නොවන බව ද රට වැටී තිබෙන තත්ත්වයෙන් ගොඩ ගැනීමට සියලු දෙනා එක්ව විසඳුම් සෙවිය යුතු යැයි ද මාධ්‍ය හමුවකට එක්වෙමින් ඔහු වැඩිදුරටත් පවසයි.