මෙම වර්ෂය සඳහා වන කාලීන විදේශ විනිමය මූල්‍ය පහසුකම් අයදුම් කිරීමට ලබාදී තිබූ කාලය දීර්ඝ කර තිබේ.
එම කාලය පසුගිය 22 වනදා අවසන්වීමට නියමිතව තිබුණි.
කෙසේවෙතත් ඉදිරිපත් වූ කරුණු සලකාබැලීමෙන් පසු එම කාලය තවදුරටත් දීර්ඝ කිරීමට තීරණය කළ බව ශ්‍රී ලංකා මහ බැංකුව සඳහන් කළේය.
ඒ අනුව සැප්තැම්බර් මස 5 වනදා දක්වා කාලීන විදේශ විනිමය මූල්‍ය පහසුකම් සඳහා අයදුම් කිරීමට ලබාදී තිබූ කාලසීමාව දීර්ඝ වනු ඇත.
බැංකු, අයෝජන ආයතන සහ පුද්ගලික ආයෝජකයින්ට අවම වශයෙන් ඩොලර් මිලියන 50 බැගින් වූ මූල්‍ය පහසුකම් ලබා ගැනීම සඳහා මහ බැංකුව විසින් මෙලෙස අයදුම්පත්‍ර කැඳවා තිබුණි.
අදාල මූල්‍ය පහසුකම වසරක කාලයක් බලපැවැත්වෙන බවද මහ බැංකුව සඳහන් කළේය.