Colombo Today Local News

නැගෙනහිර පර්යන්තයේ ඉදිකිරීම් 80% ක් අවසන්

කොළඹ වරායේ නැගෙනහිර පර්යන්තයේ ඉදිකිරීම් මේ වනවිට 80% ක් පමණ අවසන් බව වරාය හා ගුවන් සේවා අමාත්‍යාංශය පවසයි.

එහි ලේකම් කේ.ඩී.එස් රුවන්චන්ද්‍ර මහතා සඳහන් කරන්නේ, එහි මෙහෙයුම් කටයුතු ලබන වසරේ ජුනි පළමුවැනිදා සිට ආරම්භ කිරීමට සැලසුම් කර ඇති බවයි.

වරාය අධිකාරියේ අරමුදල් යොදා ගනිමින් ක්‍රියාත්මක ව්‍යාපෘතියට වැය කෙරෙන මුදල අමෙරිකානු ඩොලර් මිලියන 850 කි.

නැගෙනහිර පර්යන්තයේ මෙහෙයුම් සඳහා අති නවීන දොඹකර 12ක් සවිකිරීම ව්‍යාපෘතියේ පළමු අධියරේදි සිදු කරන බව ලේකම්වරයා ප්‍රකාශ කරයි.

මේ අතර, කොළඹ වරායේ බටහිර පර්යන්තයේ ඉදිකිරීම්ද මේ වනවිට 20% කින් පමණ අවසන් කර ඇති බව කේ.ඩී.එස් රුවන්චන්ද්‍ර මහතා සඳහන් කරයි.

අදානි සමාගමේ ආයෝජනයක් වන ව්‍යාපෘතිය සඳහා වැය කෙරෙන මුදල ඩොලර් මිලියන 850 කි.

ලබන වසරේ නොවැම්බර් මාසයේ එහි පළමු අදියරේ මෙහෙයුම් ආරම්භ කිරීමට සැලසුම් කර තිබේ.

නැගෙනහිර හා බටහිර පර්යන්ත ඉදිකිරීමත් සමග කොළඹ වරායේ වාර්ෂික බහාලුම් මෙහෙයුම් ධාරිතාව මිලියන 15 ක් දක්වා දෙගුණයකින් ඉහළ යන බව වරාය හා ගුවන් සේවා අමාත්‍යංශයේ ලේකම් කේ.ඩී.එස් රුවන්චන්ද්‍ර මහතා සඳහන් කරයි.

Related posts

12.5% බස් ගාස්තු සංශෝධනය, බස් ගාස්තු සංශෝධනය කිරීමේ ජාතික ප්‍රතිපත්තියට විරුධයි – රංජිත් විතානගේ

colombotoday

විග්නේෂ්වරන් එලවන විශ්වාසභංගයට එරෙහිව අද උතුරේ හර්තාල් !

colombotoday

මත්කුඩුවලට ඇබ්බඅහිවූවන් පුනරුත්ථාපන කරන මුවාවෙන් හෙරොයින් විකුණලා

colombotoday

කල්දේරම් බතේ රස බැලු ඇමතිවරිය

colombotoday

ඇති තරම් ආධාර දෙන්න ඇමරිකාව තීරණය කරලා.. එමගින් රටේ සංවර්ධනය වේගවත් කරනවා – සජිත්

colombotoday

රාජාංගණයේ සද්ධාරතන හිමිට ඇප

Admin