පවුල් ආරවුලක් සම්බන්ධයෙන් ගාල්ල නාගොඩ පොලීසියට පැමිණිලි කිරීමට ගිය කාන්තාවකටල පොලිස් ස්ථානය තුලදී පිහියෙන් ඇනීමට උත්සහ කළ පොලිස් කොස්තාපල්වරයකු සැමියා අත්අඩංගුවට ගත් බව නාගොඩ පොලිසිය පවසයි.
සැකකරු පිළියන්දල පොලිසියට අනුයුක්තව රාජකාරි කරමින් සිටි කොස්තාපල්වරයෙකි.
පවුල් ආරවුලක් මත සැකකරුගේ බිරිඳ ඔහුට එරෙහිව පොලිසියට සිදු කළ පැමිණිල්ලක් අනුව එය විභාගයට ගැනීම සඳහා වගඋත්තරකරු වන පොලිස් කොස්තාපල්වරයා ද කැඳවා ඇති බව පොලීසිය කියයි.
එහිදී බීමතින් පැමිණ ඇති සැකකරු පොලිස් ස්ථානය තුළ දී බිරිඳ සමග බහින්බස් වී ඇයට පිහියෙන් ඇනීමට උත්සාහ කිරීමේදී එහි සිටි පොලිස් නිලධාරින් සැකකරු අත්අඩංගුවට ගත් බව පොලිසිය පවසයි.