World

සංක්‍රමණිකයන් රැගත් බෝට්ටු දෙකක් ගිලී 30කට වැඩි පිරිසක් අතුරුදන්

සංක්‍රමණිකයන් රැගත් බෝට්ටු දෙකක් ඉතාලියේ ලැම්පෙඩුසා දූපතට ඔබ්බෙන් ගිලී යාමෙන් අවම වශයෙන් පුද්ගලයන් දෙදෙනෙකු මියගොස් 30කට වැඩි පිරිසක් අතුරුදන්ව ඇතැයි විශ්වාස කෙරෙන බව එරට බලධාරීන් පවසයි.

ටියුනීසියාවේ Sfax වරාය නගරයෙන් පිටත් වූ මෙම බෝට්ටු දෙකෙන් එකක පුද්ගලයන් 48ක් සහ අනෙක් බෝට්ටුවේ මගීන් 42ක් සිටි බවද විදෙස් මාධ්‍ය පවසයි.

කාන්තාවකගේ සහ ඇගේ අවුරුද්දක් වයසැති බිලිඳාගේ සිරුරු සොයාගෙන ඇති බව ඉතාලි වෙරළාරක්ෂක භටයන් සඳහන් කරයි.

කෙසේවෙතත් ටියුනීසියානු නිලධාරීන් පවසා ඇත්තේ සංක්‍රමණිකයන් 10 දෙනෙකුගේ සිරුරු Sfax අසල වෙරළක තිබී සොයාගත් බවයි.

ඉතාලි බලධාරීන් සඳහන් කරන්නේ, මෙම සිද්ධීන් සම්බන්ධයෙන් විමර්ශන සිදුකරන බවයි.

ලැම්පෙඩුසා සිට නිරිත දෙසින් නාවික සැතපුම් 23 ක් පමණ දුරින් යාත්‍රා ගිලී ගිය විට සංක්‍රමණිකයන් 57 දෙනෙකු බේරා ගත් බව ඉතාලියේ වෙරළාරක්ෂක බලකාය වැඩිදුරටත් සඳහන් කරයි.

Related posts

ලොව පුරා කොරෝනා ආසාදිතයන් මිලියන 50 ඉක්මවයි

colombotoday

ලෝක බැංකුවෙන් ඩොලර් බිලියන 3ක් යුක්රේනයට

colombotoday

ඉන්දියාවෙන් ලංකාවට පන්නන්න ගිය ගංජා කිලෝ 2090ක් මාට්ටු

Admin

ලෝක බැංකුවෙන් බරපතළ අනතුරු ඇඟවීමක්

colombotoday

ලොව ප්‍රබලතම තාක්ෂණ සමාගම් සියල්ලම ඉන්දියානුවන්ගේ අණසකට

colombotoday

ISIS ප්‍රධාන අලුගෝසුවා “ජිහාඩ් ජෝන්” ‍ඩ්‍රෝන් ප්‍රහාරයකින් එළොව යයි

colombotoday