බලපිටිය රේවත ජාතික පාසලේ ප්‍රාථමික අංශය අද (28) සහ හෙට යන දෙදින වසා තැබීමට පියවර ගෙන තිබේ.
ඒ බලු මැක්කන් හේතුවෙන් සිසුන්ට ඇතිවන අපහසුතා සැලකිල්ලට ගනිමින්.
බලු මැක්කන් සහ ඇසට නොපෙනන තරම් කුඩා වැලි මැක්කන් විදුහල් භූමිය පුරාම සිටින බවයි වාර්තා වන්නේ.
ප්‍රදේශයේ සැරිසරන බල්ලන් විදුහල් භූමියේ ගැවසීම මීට හේතුවයි.
මේ පිළිබඳව ප්‍රදේශයේ මහජන සෞඛ්‍ය පරීක්ෂකවරුන් දැනුවත් කර ඇති අතර, බෙහෙත් වර්ග කිහිපයක් යොදා මේ වනවිට මැක්කන් මර්දනය කරමින් සිටින බවයි වාර්තා වන්නේ.
වෛද්‍ය උපදෙස් මත දැනට බෙහෙත් යෙදීම සිදුකරන අතර, දරුවන්ගේ ආරක්ෂාව වෙනුවෙන් ඒ අනුව, පාසල දින දෙකක් වසා තැබීමට තීරණය කළ බවයි පාසලේ විදුහල්පතිවරයා සඳහන් කළේ.