ශ්‍රී ලංකාවට ඩුබායි සිට බහාලුමක බහා නීතිවිරෝධී ලෙස ගෙනැවිත් තිබූ රුපියල් මිලියන 748ක් වටිනා විදේශීය නිෂ්පාදිත දුම්වැටි තොගයක් කොළඹ දුම්කොළ සමාගම් පරිශ්‍රයේ පිහිටි ” නීතිවිරෝධී දුම්වැටි විනාශ කිරීමේ මධ්‍යස්ථානයේ ” ශ්‍රී ලංකා රේගුවේ ආදායම් අධීක්ෂණ අංශයේ නිලධාරීන් පිරිසක් විසින් විනාශ කිරීමට පියවර ගෙන තිබේ.
2022 ජුනි මස මෙම බහාලුම අත්අඩංගුවට ගෙන තිබූ අතර, එහි නීතිවිරෝධී ලෙස ශ්‍රී ලංකාවට ගෙන ආ විදේශීය නිෂ්පාදිත දුම්වැටි 947,000 ක් තිබී රේගුවේ ආදායම් අධීක්ෂණ අංශයේ නිලධාරීන් විසින් අත්අඩංගුවට ගෙන තිබුණි.
මෙම දුම්වැටි තොගය කොළඹ වරාය රේගුවෙන් නිදහස් වූයේ නම් ශ්‍රී ලංකාවට රුපියල් මිලියන 695 ක තීරු බදු ආදායමක් අහිමි වීමට අවස්ථාව තිබුණි.