රුපියල් කෝටි 100ක වටිනාකමකින් යුත් මත්ද්‍රව්‍ය තොගයක් සැකකරුවන් 6 දෙනෙකුද සමඟ අත්අඩංගුවට ගැනීමට පොලිස් මත්ද්‍රව්‍ය නාශක කාර්යාංශය සමත්ව තිබේ.
එහිදී ප්‍රථමයෙන් මත්ද්‍රව්‍ය කොටසක් සමග සැකකරුවන් තිදෙනෙකු කටුනායක ගුවන්තොටුපොළ පරිශ්‍රයේදී අත්අඩංගුවට ගෙන ඇති අතර සෙසු සැකරුවන් පිටකොටුව සහ වැල්ලවත්ත ප්‍රදේශවලදී අත්අඩංගුවට ගෙන තිබේ.
ප්‍රථමයෙන් ඊයේ(26) පස්වරුවේ හොංකොං සිට ඩුබායි හරහා කටුනායක ගුවන් තොටුපොළ ගෙනැවිත් තිබූ ගුවන් භාණ්ඩ තොගයක් විවෘත කිරීමේදී එහි තිබී කෘත්‍රීම ගංජා තොගයක් නාකොටික් නිලධාරීන් විසින් සොයාගෙන ඇත.
එහිදී අදාළ ගුවන් භාණ්ඩ තොගය රැගෙන යාමට පැමිණ සිටි තිදෙනෙකු අත්අඩංගුවට ගෙන සිදුකළ ප්‍රශ්න කිරීම්වලදී පිටකොටුව ප්‍රදේශයේ සිදුකළ වැටලීමකදී අම්පිටමින් නමැති මත්ද්‍රව්‍ය තොගය සොයාගෙන ඇත.
මෙම ජාවාරම සම්බන්ධයෙන් අත්අඩංගුවට ගත් 6දෙනා අධිකරණ වෙත ඉදිරිපත් කර රැඳවුම් නියෝග ලබාගෙන තිබේ.
පොලිස් මත්ද්‍රව්‍ය නාශක කාර්යාංශය විසින් වැඩිදුර විමර්ශන ආරම්භ කර තිබේ.