ඉන්දියාවේ නාගපට්ටිනම්, ත්‍රිකුණාමලය සහ කොළඹ යා කරමින් තෙල් බෙදා හැරීමේ නල මාර්ගයක් ඉදි කිරීමට සාකච්ඡාවක් පවත්වා තිබේ.
ඉන්දියානු තෙල් සංස්ථාව(IOC) විසින් කරන ලද යෝජනාවකට අනුව මෙම සාකච්ඡාව පවත්වා ඇත.
ඉන්දීය මහ කොමසාරිස් කාර්යාලය, විදුලිබල හා බලශක්ති අමාත්‍යාංශය, ඛනිජතෙල් සංවර්ධන අධිකාරිය, ලංකා ඛනිජතෙල් නීතිගත සංස්ථාව සහ ඉන්දීය තෙල් සංස්ථාව ඇතුලු ආයතන කිහිපයක නිලධාරීන් මෙම සාකච්ඡාවට එක්ව තිබේ.
අමාත්‍ය කංචන විජේසේකර මහතාගේ මූලිකත්වයෙන් මෙම සාකච්ඡාව පවත්වා ඇති බව පැවසේ.