ජනාධිපති මෛත්‍රීපාල සිරිසේන මහතාගේ දේශපාලන දිවියට දින දස දහසක් සපිරීම නිමිත්තෙන් ජනාධිපති කාර්යාලය විසින් දිවයින පුරා උත්සව සහ පිංකම් මාළාවක් සංවිධානය කර ඇති අතර එහි ප්‍රධාන වැඩසටහන ඊයේ කැළණිය රාජ මහා විහාරයේදී පැවැත්විණි.
එම අවස්ථාවට වැඩි පිරිසක් සහභාගී කරවා ගැනීම සදහා සංවිධායකයන් විසින් විශාල මුදලක් වැයකර පූර්ව ප්‍රචාරක කටයුතු සිදු කළද ජනපති පවුලේ අය, මැති ඇමතිවරු, ඔවුන්ගේ සමීප හිතවතුන් සහ ආරක්ෂක නිළධාරීනුත් ඇතුළුව සියයක පමණ පිරිසක්වත් සහභාගී කරවා ගැනීමට අපොහොසත් වී ඇති බව ජනපති කාර්යාලය දෙසින් අසන්නට ලැබේ.
ජනපති දේශපාලනාවතරණ සංවත්සරය මහ ඉහළින් සැමරීම සදහා රට පුරා ප්‍රධාන ආගමික මධ්‍යස්ථානලදී පිංකම්, උත්සව මාළාවක් සංවිධානය කිරීමට ජනපති කාර්යාල නිලධාරීන් සැළසුම් කර ඇති අතර ඒ සදහා රුපියල් කෝටි තිහක වියදම් ඇස්මේන්තුවක් ජනපතිවරයාට ඉදිරිපත් කර ඇත. එය දැකීමෙන් උරණ වී ඇති ජනපතිවරයා එම නිලධාරීන්ට බැණ වැදී ඇති අතර එම මුදල් ළමුන්ට ශිෂ්‍යත්ව ලබා දීම සදහා වෙන් කරන ලෙස දන්වා ඇති බවද දැනගැන්මට ලැබේ.
