දේශීය ණය ප්‍රශස්තකරණ සැලැස්ම සම්බන්ධයෙන් තීරණයක් ගැනීමට රාජ්‍ය මුදල් කාරක සභාව අද(30)දින රැස්වෙයි.
එහි සභාපති පාර්ලිමේන්තු මන්ත්‍රි ආචාර්ය හර්ෂ ද සිල්වා මහතා සඳහන් කරන්නේ, ඊයේ දිනයේ රැස්වූ කාරක සභාව මේ සම්බන්ධයෙන් පාර්ශව රැසකගෙන් අදහස් විමසූ බවයි.
දේශීය ණය ප්‍රශස්තකරණ සැලැස්ම හරහා සේවක අර්ථ සාධක අරමුදලට වන බලපෑම සම්බන්ධයෙන් අද දිනයේ පුළුල් ලෙස සාකච්ඡාවට ලක් කරන බව ද ආචාර්ය හර්ෂ ද සිල්වා මහතා පවසයි.
මේ අතර, දේශීය ණය ප්‍රශස්තකරණ සැලැස්ම හෙට පාර්ලිමේන්තුවේදි විවාදයට ගැනෙයි.
දේශීය ණය ප්‍රශස්තකරණ සැලැස්ම් යෝජනාවට විරුද්ධව තම පක්ෂය ඡන්දය භාවිත කරන බවසමගි ජන බලවේගයේ පාර්ලිමේන්තු මන්ත්‍රී නලින් බණ්ඩාර මහතා ඊයේ(29)දින පැවසීය.