X-Press Pearl නෞකාවෙන් සිදුවූ පරිසර හානියට වන්දි ලබා ගැනීම සඳහා සිංගප්පූරුවේ පැවරූ වන්දි නඩුවේ කටයුතුවලට අදාළ නීතිපති දෙපාර්තමේන්තුවට සහාය වීම සඳහා සමුද්‍රීය පරිසර ආරක්ෂණ අධිකාරිය විසින් ජනාධිපති නීතිඥවරුන් දෙදෙනෙකු පත් තර තිබේ.
එහි සභාපති නීතිඥ අසේල රැකව මහතා සඳහන් කරන්නේ, ජනාධිපති නීතිඥ රෝලන්ඩ් පෙරේරා මහතා සහ ජනාධිපති නීතිඥ චන්දක ජයසුන්දර මහතා එලෙස පත් කළ බවයි.
ඒ සම්බන්ධයෙන් නීතිපති දෙපාර්තමේන්තුව ද දැනුවත් කර තිබේ.
අදාළ නීතිඥයින් හරහා නීතිපති දෙපාර්තමේන්තුවට තම අධිකාරියේ සහය ලබා දෙන බව ද සභාපතිවරයා පවසයි.
එක්ස්ප්‍රස් පර්ල් නැවේ ගින්නෙන් වූ පරිසර හානියට වන්දි ඉල්ලා ලක් රජය මේ වනවිට සිංගප්පූරු අධිකරණයක නඩු පවරා තිබේ.