පේරු රාජ්‍යයේ රන් ආකරයක ඇති වූ ගින්නකින් පුද්ගලයින් විසි හත්දෙනෙකු මිය ගොස් තිබේ.
Arequipa කලාපයේ La Esperanza පතල තුළ ඇති වූ මෙම අනතුර දශක කිහිපයකට පසු එරට සිදු වූ දරුණුතම පතල් අනතුර බව විදෙස් මාධ්‍ය වාර්තා පවසයි.
ගින්නෙන් පුද්ගලයන් දෙදෙනෙකු බේරා ගෙන ඇති බව සඳහන්ය.
ගින්න හටගන්නා අවස්ථාවේ පතල් කම්කරුවන් අවම වශයෙන් අඩි 330 පමණ පහළින් වැඩ කරමින් සිටින්නට ඇති බවට විශ්වාස කෙරේ.
පේරු රාජ්‍ය ලොව විශාලතම රන් නිෂ්පාදකයන්ගෙන් එක රටක් වන අතර වසරකට ටොන් 100 කට වඩා රන් කැණීම් සිදු කරන බව විදෙස් මාධ්‍ය වාර්තා පැවසීය.