Colombo Today Local News

“බුද්ධි අංශ ප්‍රධානියා වහාම නෙරපනු“…. පුරවැසි බලයෙන් ජනපතිට දැඩි බලපෑම්

sarath-wijesooriya

කුමන්ත්‍රණයක” යෙදී සිටින හමුදා බුද්ධි අංශ ප්‍රධානියා වහා ඉවත්කරන ලෙස ‘සාධාරණ සමාජයක් සඳහා වූ ජනතා ව්‍යාපාරය’, ‘පුරවැසි බලය’ යන සිවිල් සමාජ කණ්ඩායම් ජනාධිපති මෛත්‍රිපාල සිරිසේන මහතා ගෙන් ඉල්ලා සිටිති.

හමුදා ප්‍රධානීන් සහ ඉහළ මට්ටමේ රාජ්‍ය නිලධාරීන් අධිකරණයට කැඳවනු ලැබීම සහ යුද හමුදා බුද්ධි අංශ නිලධාරීන් දීර්ඝ කාලයක් රිමාන්ඩ් බන්ධනාගාර ගතකර තැබීම සම්බන්ධයෙන් අල්ලස් කොමිසම සහ පොලිසිය විවේචනය කරමින් ජනාධිපතිවරයා කළ ප්‍රකාශයට විරෝධය දැක්වීම සඳහා ඊයේ (14)  කොළඹදී කැඳවා තිබු මාධ්‍ය හමුවේදී ඔවුහු මෙම ඉල්ලීම කළහ.

කුමන්ත්‍රණයක් :

ජනාධිපතිවරයාට පසුගියදා කල ආන්දෝලනාත්මක ප්‍රකාශයක් කිරීම සඳහා හමුදා බුද්ධි අංශ ප්‍රධානියාගේ කුමන්ත්‍රණ හේතුවී ඇති බව මහාචාර්ය සරත් විජේසූරිය මහතා චෝදනා නගමින් පෙන්වා දුන්නේය.

“අවුරුදු 8ක් තිස්සේ රාජපක්ෂ පාලනය තුළ මේ තනතුර දැරූ පුද්ගලයාම තමයි තාමත් මේ තනතුර දරන්නේ, ත්‍රිවිධ හමුදාවම ජනාධිපතිවරයාට විරුද්ධ තැනක සිටින බවටවන මිත්‍යාව ඔහු වපුරලා තියෙනවා”

පසුගිය කාලයේ හමුදා බුද්ධි අංශ යොදවා කළ අපරාධ සම්බන්ධ පරීක්ෂණ අවසන් අදියරට පැමිණ ඇති අවස්ථාවක පැවැති රජයේ ප්‍රබලයන් මෙන් ම තමා ද අත්අඩංගුවට පත්වීම වළක්වාගැනීම සඳහා හමුදා බුද්ධි අංශ ප්‍රධානියා මෙලෙස ක්‍රියාකරන බව මහාචාර්ය සරත් විජේසුරිය මහතා පෙන්වා දුන්නේය.

” මාදුළුවාවේ සෝභිත හිමියන් නියෝජනය කරන සාධාරණ සමාජයක් ව්‍යාපාරයේ නියෝජිතවරයා ලෙස මම ඉල්ලා සිටිනවා හමුදාවේ ප්‍රශ්න ගැන තොරතුරු ලබාදීමට බාධා කරන මේ පුද්ගලයා ඉවත්කරන්න කියලා”

මහින්දගේ මතවාදයම :

මෙහිදී අදහස් දැක්වූ පුරවැසි බලය සංවිධානයේ ගාමිණි වියන්ගොඩ මහතා ජනාධිපතිවරයාගේ ප්‍රකාශය හැදින්වුයේ හිටපු ජනාධිපති මහින්ද රාජපක්ෂගේ මතවාදය නියෝජනය කිරීමක් ලෙසය.

ජනාධිපතිවරයාට ඇත්තේ නීතිය ක්‍රියාත්මක නොවීම ගැන ප්‍රශ්නයක් නම් ඔහු කළ යුත්තේ ඒ සම්බන්ධයෙන් ක්‍රියාමාර්ග ගැනීම විනා මෙවන් ප්‍රකාශකිරීම නොවන බව ද ගාමිණි වියන්ගොඩ මහතා පැවසීය.

හමුදා බුද්ධි අංශ ප්‍රධානියාට එල්ල කරන චෝදනා පිළිබඳව කරුණු විමසීමට හමුදා මාධ්‍ය ප්‍රකාශකවරයා සම්බන්ධකරගැනීමට උත්සාහ කළ ද එය අසාර්ථක විය.
(බිබිසි සංදේශය)

Related posts

පාස්කු ප්‍රහාරයට කුමන්ත්‍රණය කිරීම: ISIS in sri lanka කණ්ඩායමට එරෙහිව ලොස් ඇන්ජලීස් අධිකරණයේ නඩු

colombotoday

ඉන්දීය යුධ නැව් තුනක් කොළඹ එයි

colombotoday

අද සිට Online ක්‍රමයට පාස්පෝට් එක ගෙදරම ගෙන්න ගන්න හැටි මෙන්න

Admin

බදුන්ලෙන් ඕෂධීට නාමයෝජනා… ප්‍රබල චරිත කිහිපයක් කැපෙයි !

colombotoday

ගිනිගත් නැවේ හිමිකරුවන්ගෙන් ශ්‍රී ලංකාවට මූලික වන්දි ගෙවීමක්

colombotoday

නියෝජ්‍ය නගරාධිපති නියාස් වලලන්න ඉල්ලා බැණ තර්ජනය කිරීම. | ගාල්ලේ සෞඛ්‍ය නිලධාරීහු වෘත්තිය ක්‍රියාමාර්ගයකට සැරසෙති.

colombotoday