විදෙස් ආයෝජන විශාල වශයෙන් ආකර්ෂණය කර ගැනීම සඳහා අවශ්‍ය රාජ්‍ය මූල්‍ය සහ ප්‍රතිපාදන ඇතුළත් පැකේජයක් නුදුරේදී ඉදිරිපත් කරන බවට ජනාධිපති රනිල් වික්‍රමසිංහ දැනුම් දුන් බව කැබිනට් ප්‍රකාශක ආචාර්ය බන්දුල ගුණවර්ධන මහතා පවසයි.
කැබිනට් ප්‍රකාශකවරයා මේ බව සඳහන් කළේ, අද (3)දින පැවති කැබිනට් තීරණ දැනුම් දීමේ මාධ්‍ය හමුවේදීය.
මේ දිනවල මෙය ඉදිරිපත් කිරීම සඳහා වන වැඩපිළිවෙළ සාකච්ඡා කරමින් සිටින බව ද බන්දුල ගුණවර්ධන මහතා මෙහිදී වැඩිදුරට ත් පැවසීය.
“ඊයේ දිනයේ කැබිනට් මණ්ඩලයේදී ජනාධිපතිවරයා දැනුම් දුන්නා විදේශ අයෝජන විශාල වශයෙන් ආකර්ෂණය කිරීම සඳහා අවශ්‍ය රාජ්‍ය මූල්‍ය හා අනෙකුත් ප්‍රතිපාදන ඇතුළත් වරප්‍රසාද වරදාන ඇතුළත් පැකේජයක් නුදුරේදී ඉදිරිපත් කිරීමේ වැඩපිළිවෙළ මේ දිනවල සාකච්ඡා කර ගෙන යනවා කියලා”