රුසියාවේ ප්‍රමුඛ පෙළේ විද්‍යාඥයින් තිදෙනෙක්ට එරෙහිව රාජද්‍රෝහී චෝදනා එල්ලවී ඇති බව රුසියානු මාධ්‍ය වාර්තා පවසයි.
එම විද්‍යාඥයින් තිදෙනා රුසියාවේ හයිපසොනික් මිසයිල තාක්ෂණය දියුණු කිරීමේ වැඩසටහන හා සම්බන්ධව සේවය කළේය.
නමුත් ඔවුන් තිදෙනාට එරෙහිව රාජද්‍රෝහී චෝදනා එල්ලකිරීම සම්බන්ධයෙන් රුසියාව විද්‍යාඥ ප්‍රජාව කලබලයටත් කනගාටුවටත් පත්ව සිටින බව මාධ්‍ය වාර්තා කරයි.
ඒ සම්බන්ධයෙන් අදහස් දක්වමින් ක්‍රෙම්ලින් ප්‍රකාශක දිමිත්‍රි පෙස්කොෆ් පැවසුවේ තම සගයින් වෙනුවෙන් සයිබීරියා විද්‍යාඥයන් යොමුකර ඇති ලිපිය සම්බන්ධයෙන් තමා දැනුවත් බවත් එය ආරක්ෂක සේවා හා සම්බන්ධ ගැටලුවක් බවත් ය.
නමුත් විද්‍යාඥයින් පවසන්නේ තම සගයින් තිදෙනා අත්අඩංගුවට ගැනීම එරට විද්‍යා ක්ෂේත්‍රයට සිදුවන විශාල හානියක් බවය.