ගලගොඩඅත්තේ ඥානසාර හිමියන්ට එරෙහිව විභාග වන අධිකරණයට අපහාස කිරීමේ නඩුව පෙබරවාරි 19දා දක්වා කල් තැබීමට අභියාචනාධිකරණය ඊයේ (16දා) තීන්දු කළේය.
හෝමාගම මහෙස්ත්‍රාත් අධිකරණයේ විනිශ්චය ශාලාවට ඇතුළු වී මහෙස්ත්‍රාත්වරයාගේ අවසරය නොලබා අධිකරණය අමතමින් කලහකාරී ලෙස හැසිරීමෙන් අධිකරණයට අපහාසයක් සිදුකරන ලදැයි ඥානසාර හිමියන්ට එරෙහිව මෙම පැමිණිල්ල ගොනුකොට ඇත. එකී පැමිණිල්ල ගොනු කොට ඇත්තේ හෝමාගම මහෙස්ත්‍රාත් රංග දිසානායක මහතා විසින් අභියාචනාධිකරණයට යොමු කරන ලද පැමිණිල්ලක් අනුව අභියාචනාධිකරණයේ ලේඛකාධිකාරිවරයා විසිනි.
අභියාචනාධිකරණයේ නව සභාපති විනිසුරු ප්‍රීති පද්මන් සූරසේන හා ශිරාන් ගුණරත්න හා ද්විපුද්ගල අභියාචනාධිකරණ විනිශ්චය මණ්ඩලය හමුවේ මෙම නඩුව විභාග වේ. විත්තිකාර ඥානසාර හිමියන් වෙනුවෙන් ජනාධිපති නීතිඥ මනේහර ද සිල්වා මහතා පෙනී සිටී.
මේ අතර සිංහල කොටියකු ලෙස හැඳින්වෙන ප්‍රගීත් එක්නැලිගොඩගේ බිරිද විසින් දැමු පැමිණිල්ලක් මත විභාගවෙන නඩුව සඳහා මේ වන විට රාජකීය පණ්ඩිත ගලගොඩඅත්තේ ඥානසාර හිමි හෝමාගම මහේස්ත්‍රාත් උසාවිය වෙත වැඩම කර සිටින බව වාර්තා වෙනවා.