ජනතාවට බදු බර දරාගත නොහැකි බවත්, සාමාන්‍ය ජනතාවට බලපාන බදු බර අඩු කර සහන සැලසිය යුතු බවත් තිබ්බටුවාවේ ශ්රී සුමංගල මල්වතු පාර්ශ්වයේ මහා නාහිමියෝ මුදල් ඇමැති රවී කරුණානායක මහතාට පැවසූහ. මාස හයක් හතක් ඇතුළත බදු බර අඩුකර ජනතාවට සහන සලසන බව මුදල් අමාත්‍ය රවී කරුනානායක මහතා එම අවස්ථාවේ කීවේය.
ඇමැතිවරයා මෙසේ පැවැසුයේ මහනුවර දළදා මාලිගාවේදී දන්ත ධාතූන් වහන්සේ වැඳපුදා ආශිර්වාද ලබා ගැනීමෙන් පසු මහා නා හිමිවරුන් බැහැ දැකීමට ගිය අවස්ථාවේදී ය. තිබ්බටුවාවේ ශ්‍රි සිද්ධාර්ථ සුමංගල මල්වතු පාර්ශ්වයේ මහා නාහිමියන් සහ වරකාගොඩ ඥානරතන අස්ගිරි මහා විහාර පාර්ශ්වයේ මහා නාහිමියන් බැහැදුටු ඇමැතිවරයා රජයේ වැඩ පිළිවෙළ ගැන ද පැහැදිලි කළේය.