එක්සත් ජාතික පක්ෂය පාර්ලිමේන්තුව තුල බහුතර මන්ත්‍රී 106 පෙන්වා තනි ආණ්ඩුවක් පිහිටවීමට සුදානම් බව සිරිකොත ආරංචි මාර්ග සඳහන් කර සිටිනවා.
අද සවස ජනාධිපති මෛත්‍රිපාල සිරිසේන මහතා සමග එජාපය පැවති සාකච්චාවකින් පසුව මෙම තීරණය ගත් බවයි වාර්තා වන්නේ. ශ්‍රී ලංකා නිදහස් පක්ෂය සහ එක්සත් ජාතික පක්ෂය අතර පැවති ගිවිසුම පසුගිය දෙසැම්බර් 31න් අවසන් වූ බැවින් අග්‍රාමාත්‍ය රනිල් වික්‍රමසිංහ මහතාට මෙම තීරණය ගන්නා ලෙස ජනාධිපතිවරයා පැවසූ බවයි වාර්තා වෙන්නේ.
එජාප මන්ත්‍රීවරු 96ක් පාර්ලිමේන්තුව නියෝජනය කරන අතර බහුතරය සාදා ගැනීම සඳහා තවත් මන්ත්‍රීධුර 10ක් එජාපයට අවශ්‍ය වේ. ඒ සඳහා දෙමල ජාතික සන්ධානය සමග මේ වන විට සාකච්චා කෙරෙමින් පවතින බවයි වැඩිදුරටත් වාර්තා වෙන්නේ.