වසරේ මේ දක්වා කාලය තුළ මෙරට ආශ්‍රිතව භූ චලන 9 ක් වාර්තා වී ඇති බව භූ විද්‍යා සමීක්ෂණ හා පතල් කාර්යාංශය පවසයි.
මාස 4ක් වැනි කාලයක් තුළ මෙවැනි භූ චලන 9 මෙරටින් වාර්තා වූයේ පළමු වරට බව එම කාර්යාංශය සඳහන් කරයි.
ඉන් භූ චලන බහුතරයක් රට අභ්‍යන්තරයේ සිදුව ඇති අතර සෙසු භූ චලන මෙරට මුහුදු තීරයේ සිදු විය.
මෙම භූ චලනවල ප්‍රබලත්වය දැක්වුණේ, මැග්නිටියුට් ඒකක 2 – 4 ත් අගයකයි.
බුත්තල සූරියවැව ආශ්‍රිතව එම භූ චලනවලින් බහුතරය සිදුව තිබේ.
අදාළ භූ චලන සියල්ලේ දත්ත විශේෂ විශ්ලේෂණයකට ලක් කරමින් සිටින බව භූ විද්‍යා සමීක්ෂණ හා පතල් කාර්යාංශය සඳහන් කරයි.
එම දත්ත ජාත්‍යන්තර දත්ත සමග සංසදනය කිරීමට ද නියමිතව ඇත.