මැයි මස පළමුවන දින සිට පාලන මිලට අඩුවෙන් පාරිභෝගිකයින්ට බිත්තර ලබාදීමට කටයුතු කරන බව සමස්ත ලංකා බිත්තර නිෂ්පාදකයින්ගේ සංගමය පවසයි.
කෙසේවෙතත් එදින තෙක් පාලන මිලට බිත්තර අලෙවි කිරීම දුෂ්කර බව එහි සභාපති සරත් රත්නායක මහතා සදහන් කරයි.
“අපි මිල බැස්සුවට ඉල්ලුම නිසා වෙළෙඳ මහත්තුරු ඇවිල්ලා රුපියල් 46 – 47ට මේ බිත්තරය අරන් යනවා. ඒක අපට නවත්වන්න බෑ. අපි පාරිභෝගික අධිකාරියට කියන්නේ අපිට පහුගිය ටිකේම දඩ ගැහුවා. ඒ වුණත් පාරිභෝගික අධිකාරියට තාම බැරිවුණා නිත්‍යානුකූලව බිත්තරයක් පාලන මිලෙන් පහළට ගන්න. හේතුව ඉල්ලුම හා සැපයුමට තියෙන හිඟතාවය නිසා. මම හිතන්නේ මාස 8ක් විතර මේ ගොවියට පාරිභෝගික අධිකාරිය සෑහෙන හිරිහැරයක් කළා. මම පාරිභෝගික අධිකාරියට හා ඇමතිතුමාට කියන්නේ මේ නිෂ්පාදනය කරන ගොවියෝ ගෙනල්ලා වෙළෙන්ඳොත් ගෙනල්ලා මේ දවස් 7 – 8 පනහෙන් මෙහා බිත්තරයක් පාරිභෝගිකයාට යන ක්‍රමවේදයකට අපි සාකච්ඡාවට කැමතියි. මැයි 1 වනදා වෙනකල් පාරිභෝගිකයාට බිත්තරය 50න් මෙහා විකුණන්න අවසරය දෙන්න. කිසිම ප්‍රශ්නයක් නෑ. මැයි 1 දායින් පස්සේ අපි පාලන මිලෙන් පහළට බිත්තරයක් යන්න ඉඩ සලසනවා.”