යල් පැන ගිය ඇතැම් බන්ධනාගාර පනත් ගැළපෙන පරිදි සංශෝධනයට පියවර ගන්නා බව අධිකරණ බන්ධනාගාර කටයුතු හා ආණ්ඩුක්‍රම ව්‍යවස්ථා ප්‍රතිසංස්කරණ අමාත්‍ය ජනාධිපති නීතිඥ ආචාර්ය විජයදාස රාජපක්ෂ මහතා පවසයි.
පාදුක්ක වටරැක බන්ධනාගාරයේ කටයුතු නිරීක්ෂණය කිරීමෙන් අනතුරුව මාධ්‍යවේදීන් යොමු කළ ප්‍රශ්නවලට පිළිතුරු දෙමින් අමාත්‍යවරයා මේ බව පැවසීය.
දැනට පවතින බන්ධනාගාර අණ පනත් 1939 වසරේ හඳුන්වා දුන් ඒවා වන බැවින් එම පනත් යාවත්කාලීන කරන ලෙස උපදෙස් ලබාදුන් අධිකරණ අමාත්‍යවරයා පසුගියදා සම්මත කළ නව පුනරුත්ථාපන පනත මගින් සිරකරුවන් හා මත්ද්‍රව්‍ය සදහා ඇබ්බැහිවුවන් සම්බන්ධව පුර්ණ පරිවර්තනයක් සහිත වැඩපිළිවෙළක් ආරම්භ කරන බව සඳහන් කර තිබේ.