ශ්‍රී ලංකන් ගුවන් සමාගමේ ප්‍රධාන විධායක නිලධාරියාට පසුගිය රජය සමයේ මාසික වැටුප ලෙස රුපියල් ලක්ෂ පහලොවක් ගෙවා ඇති බවත්, එය විවේචනය කළ යහපාලන රජය යටතේ පත්කර ඇති ප්‍රධාන විධායක නිලධාරියාට මාසිකව රුපිලයල් ලක්ෂ 35ක මුදලක් ගෙවන බව පාර්ලිමේන්තු මන්ත්‍රී කනක හේරත් මහතා කොළඹදී මාධ්‍ය අමතමින් කියා සිටියේය.
ලබන ජනවාරි මාසයේ සිට අප්‍රෙල් මාසය දක්වා කටුනායක ධාවන පථය අලූත්වැඩියාව නිසා ගුවන් ගමන් වාර 200 මත්තලට යොමු නොකර අවලංගු කරන්නේ දේශපාලන කුහකත්වය නිසා බවද කී ඔහු එම කාලය තුල ඉන්ධන ලබා ගැනීම සදහ පමණක් එන යානා 37ක් මත්තලට යොමු කිරීම ඉතා පහසුවෙන් කල හැකි යයිද කියා සිටියේය.