ගාසා තීරයේ රැඳී සිටින ශ්‍රී ලාංකිකයින් 13 දෙනෙකු ඊජිප්තු දේශසීමාවේ පවතින රෆා පිවිසුම අසලට පැමිණ තිබේ.
පලස්තීනයේ ශ්‍රී ලංකා නියෝජිත කාර්යාලයේ ප්‍රධානී බෙනට් කුරේ මහතා සඳහන් කරන්නේ, ඔවුන් හමුවීමට ඊජිප්තුවේ ශ්‍රී ලංකා තානාපති කාර්යල නිලධාරීන් පිරිසක් ගොස් ඇති බවයි.
ඔවුන් සමග සාකච්ඡා කිරීමෙන් එම පිරිස ඊජිප්තුවේ කයිරෝ අගනුවර පිහිටි ශ්‍රි ලංකා තානාපති කාර්යාලය වෙත රැගෙන ඒමට කටයුතු කරනු ඇති.
මේ වනවිට ගාසා තීරයේ පවුල් 3කට අයත් ශ්‍රී ලාංකිකයින් 17 දෙනෙකු රැඳී සිටී.
ඉන් ශ්‍රී ලාංකිකයින් 4 දෙනෙකු ගාසා තීරයේ කතෝලික දේවස්ථානයක රැඳී සිටින අතර ඔවුන් ආරක්ෂිතව සිටින බවද පලස්තීනයේ ශ්‍රි ලංකා නියෝජිත කාර්යාලයේ ප්‍රධානී බෙනට් කුරේ මහතා සඳහන් කරයි.