පියා පහරදුන්නා යැයි සිත් තැවුලට පත්ව සිටි තලවකැලේ ප්‍රදේශයේ දැරියක් සියදිවි හානි කර ගෙන තිබේ.
එලෙස ජීවිතක්ෂයට පත්ව ඇත්තේ, අවුරුදු 15ක වටගොඩ වත්ත, ඉහළ කොටසේ පදිංචිව සිටි ජීවරාජන් රදිප්‍රියා නැමති පාසල් සිසුවියකි.
මියගිය දැරියගේ මව රැකියාවක් සඳහා විදෙස්ගත වී ඇති අතර, පියා විසින් පහරදීම හේතුවෙන් සිත් තැවුලට පත්ව සිටි දැරිය සාරියක් භාවිත කරමින් ගෙල වැලලාගෙන ඇති බවට සිද්ධිය සම්බන්ධයෙන් සිදුකළ මුලික විමර්ශනයේ දී පොලීසියට අනාවරණය වී තිබේ.
මියගිය දැරියගේ මෘත ශරීරිය මහෙස්ත්‍රාත්වරයාගේ ස්ථානීය පරීක්ෂාවෙන් අනතුරුව පශ්චාත් මරණ පරීක්ෂණය සඳහා නුවරඑළිය දිස්ත්‍රික් රෝහලට යොමු කිරීමට නියමිතය.