මුල්ලේරියාවේ ව්‍යාපාරිකයකුට දුරකතනයෙන් තර්ජනය කර රුපියල් ලක්ෂ 20ක කප්පම් මුදලක් ඉල්ලා සිටි සංවිධානාත්මක අපරාධ කල්ලි සාමාජිකයකු මුල්ලේරියාව පොලිසිය අත්අඩංගුවට ගෙන තිබේ.
පොලිසිය සඳහන් කරන්නේ, සැකකරු අංගොඩ දෙල්ගහවත්ත පාරේ පදිංචි (51) හැවිරිදි පුද්ගලයකු බවත්, ඔහු දැනට විදේශ ගතව සිටින “පෙතියාගොඩ සංඛ”නැමැති අපරාධකරුගේ ගෝලයකු බවයි.
මෙම සැකකරු ඉකුත් (19) දින ඉහත ව්‍යාපාරිකයාට දුරකතනයෙන් තර්ජනය කර මෙම ලක්ෂ 20ක කප්පම් මුදල ඉල්ලා ඇති බව පොලිසිය පවසයි.
සැකකරු ගේ එම තර්ජනය සම්බන්ධයෙන් ද ව්‍යාපාරිකයා පොලිසියට පැමිණිළි කර ඇත.
සැකකරුගේ දුරකතනය සම්බන්ධයෙන් විශ්ලේෂණය කර එම තොරතුරු මත ලිපිනය ඔස්සේ මුල්ලේරියාව දෙල්ගහවත්ත පාරේ නිවසේ දී කප්පම්කරු පෙරේදා අත්අඩංගුවට ගෙන ඇත.