Colombo Today Local News

මව සහ පුතු ළිඳකට බිලිවෙයි

වාරියපොල වල්පොල ප්‍රදේශයේ පදිංචිව සිටි වයස අවුරුදු 06ක දරුවෙකු සහ එම දරුවාගේ මව ඔවුන්ගේ නිවස අසල ලිදකට වැටීමෙන් මියගොස් ඇති බව වාරියපොල පොලිසිය පවසයි.

මෙසේ මියගොස් ඇත්තේ කුරුණෑගල ආරක්ෂක සේවා විද්‍යාලයේ පළමු ශ්‍රේණියේ ඉගෙනුම ලැබූ ආර්.එම්. කෝවිද සාරමිත් නමැති 06 හැවරදි පුතු සහ ඊ.එම්. ලක්මාලි වීරසිංහ 37 හැවරිදි මවයි.

අසල්වාසීන් පවසන්නේ මෙම දෙදෙනා ඊයේ (22) දහවල් 2.00 ට පමණ ස්නානය කිරීම සදහා ඔවුන්ගේ නිවසට මද දුරකින් ඇති වගා ලිදක් වෙත ගොස් ඇති බවයි. යම් හේතුවකින් ළිදට වැටුනු දරුවා බේරාගැනීමට මවත් ළිදට පනින්නට ඇතැයි පොලිසිය සැකකරයි.

දරුවාගේ පියා නාවික හමුදාවේ සේවය කරන අයෙකු වන අතර ඔහු දුර පළාතක සිටින බැවින් නිවසේ කල් ගෙවන්නේ මව සහ දරුවා පමණක් බවත් ඥාතීහු කියති. ඒ හේතුවෙන් ස්නානය සදහා ගිය මෙම දෙදෙනා පිළිබදව සොයා බැලීමට කිසිවෙකුත් නොමැති වූ බවද ප්‍රදේශවාසීහු පවසති.

මොවුන් දෙදෙනා නිවසේ නොමැති බව අසල්වාසීහු දැනගන්නා විට පස්වරු 6.00 ත් පසුවී තිබිණ. අනතුරුව මෙම ළිද අසල සෝදිසි කිරීමේ දී දරුවාගේ සහ මවගේ පාවහන් සහ ඇදුම් සොයාගෙන ඇත. පසුව පොලිසිය ද දැනුවත් කර ප්‍රදේශවාසීන් විසින් ළිද තුල සෝදිසි කිරීමේදී සිරුරු හමුවී ඇත.

සිද්ධිය සම්බන්ධයෙන් වාරියපොල පොලිසිය වැඩිදුර පරීක්ෂණ පවත්වයි.

Related posts

මි. 50ක මත්ද්‍රව්‍ය සමග වැල්වැටිතුරේදී සැකකරුවන් තිදෙනෙක් නාවික හමුදා භාරයට

colombotoday

රණවිරුවන් දංගෙඩියට ගෙන යන රෝම සම්මුතියට ශ්‍රී ලංකාව ඇතුල් කිරීමට UN යාළුවෝ සැරසෙයි

colombotoday

ආණ්ඩුවට එරෙහි විශ්වාසභංග විවාදය ඇරඹෙයි

colombotoday

ශ්‍රීලනිප-පොහොට්ටු සභාග රජයට ඇමති බදියුදීනුත් එක්වෙයි…

colombotoday

දුමින්ද, ලසන්ත, මහින්ද ඉවත් කිරීමට විරුද්ධව අතුරු තහනමක්

Admin

සෞඛ්‍ය ඇමතිගෙන් අජිත් රෝහණට තවත් වගකීමක්

colombotoday