මාතර පරණ තංගල්ල මාර්ගයේ පල්ලියමුල්ල සිට මහානාම පාලම දෙසට ගමන්ගත් පාපැදියක් එම දිසාවටම ඉදිරියෙන් ගමන් කළ පදිකයෙකුගේ ගැටීමෙන් අනතුරක් සිදුව තිබේ.
අනතුරින් මාර්ගයේ ගමන් කරමින් සිටි පුද්ගලයා තුවාල ලබා මාතර රෝහලට ඇතුළත් කර ප්‍රතිකාර ලබමින් සිටියදී මියගොස් ඇති බව පොලිසිය සඳහන් කරයි.
85 හැවිරිදි මියගිය පුද්ගලයා ගබඩා වීදිය, මාතර ප්‍රදේශයේ පදිංචිකරුවෙකි.
අනතුර සිදුකළ පාපැදිකරු පළාගොස් ඇති අතර සැකකරු අත්අඩංගුවට ගැනීම සඳහා මාතර පොලිසිය වැඩිදුර විමර්ශන සිදු කරයි.