ජංගම දුරකථනයක් සම්බන්ධයෙන් ඇතිවූ ආරවුලක් දුරදිග යාමෙන් 24 හැවිරිදි තරුණයකුගේ පපුවට පිහියෙන් ඇන ඝාතනය කර තිබේ.
මෙලෙස ඝාතනයට ලක්ව ඇත්තේ කොටහේන ශ්‍රී ගුණානන්ද මාවතේ පදිංචිව සිටි යොරාම් හරියම් නමැත්තෙකි.
ඝාතනයට ලක්වූ පුද්ගලයාගේ නිවසට මිතුරකු පැමිණ ඇති අතර ඔහු මිතුරා සමග නිවස ආසන්නයේ ට්‍රාන්ස්ෆෝමරයක් අසලට ගොස් කතාබස් කරමින් සිටියදී තවත් පුද්ගලයකු එම ස්ථානයට පැමිණ ජංගම දුරකථනයක් සම්බන්ධයෙන් ඇතිවූ බහින්බස් වීමකින් අනතුරුව මෙම පිහි ඇනුම සිදුවී තිබූ බව පොලිස් විමර්ශනවලදී අනාවරණය වී ඇත.
ඝාතනය කළ පුද්ගලයා හඳුනා ගෙන ඇති අතර ඔහු ප්‍රදේශයට පලා ගොස් ඇතැයි පොලිසිය කියයි.