හපුතලේ දියතලාව දුම්රිය ස්ථාන අතර 155/25 සැතපුම් කණුව අසලදී ගල්පර්වත පස්කදු කඩා වැටීමෙන් අවහිර වී තිබූ උඩරට දුම්රිය මාර්ගයේ බදුල්ල කොළඹ කොටුව අතර දුම්රිය ධාවනය අද (19) පෙරවරුවේ යථා තත්වයට පත් කල බව දුම්රිය දෙපාර්තමේන්තුව පවසයි.
පවතින වර්ෂාවත් සමඟ අද (19) අලුයම හපුතලේ දියතලාව දුම්රිය ස්ථාන අතර 155/25 සැතපුම් කණුව අසලදී දුම්රිය මාර්ගයට ගල්පර්වත පස්කදු කඩා වැටීමෙන් බදුල්ල කොළඹ දුම්රිය ධාවනයට බාධා සිදු විය.
දුම්රිය දෙපාර්තමේන්තුවේ ඔහිය දුම්රිය මාර්ග අධීක්ෂණ කළමනාකරු එන්.සී.මනිමේන්ද්‍ර මහතාගේ මෙහෙයවීම මත ඔහීය දුම්රිය මාර්ග අංශයේ තාක්ෂණ ශිල්පීන් විසින් දුම්රිය මාර්ගයට කඩා වැටී තිබූ ගල්පර්වත පස්කදු ඉවත් කර ඇත.