හලාවත වැවිලි සමාගම, කුරුණෑගල වැවිලි සමාගම, රාජ්‍ය වැවිලි සංස්ථාව, ඇල්කඩුවාව වැවිලි සමිගම, ජනතා වතු සංවර්ධන මණ්ඩලය වැනි රාජ්‍ය වැවිලි සමාගම් පෞද්ගලීකරණය කිරීමට රනිල් – මෛත‍්‍රී හවුල් ආණ්ඩුව මේ වන විටත් සැලසුම් සකස්කොට ඇති බව අන්තර් සමාගම් සේවක සංගමය පවසයි.
ඒ සඳහා වෘත්තීය සමිතිවල සහයෝගය වංචනිකව ලබාගැනීම සඳහා දැනුවත් කිරීමේ වැඩමුළු මුවාවෙන් සාකච්ඡා සංවිධනය කොට ඇති බවත් අන්තර් සමාගම් සේවක සංගමයටද ඊට සහභාගී වන ලෙස දන්වා ඇති බව එම සංගමය පවසයි.
ප‍්‍රතිව්‍යුහගත කිරීමේ මුවාවෙන් රාජ්‍ය සමාගම් පෞද්ගලීකරණය කිරීමේ මෙම වංචනික සැලැස්මට අන්තර් සමාගම් සේවක සංගමය දැඩි විරෝධය පල කර සිටින අතර පාලකයින්ගේ වංචනික ක‍්‍රියාවන්ට එරෙහිව ගත හැකි උපරිම වෘත්තීය ක‍්‍රියාමාර්ග අන්තර් සමාගම් සේවක සංගමය ගන්නා බවද කියා සිටි.
මේ සදහා වෘත්තීය සමිතිවල සහයෝගය වංචනිකව ලබාගැනීම සඳහා දැනුවත් කිරීමේ වැඩමුළු වලට සහභාගි වන ලෙසට , රාජ්‍ය ව්‍යවසාය සංවර්ධන අමාත්‍යාංශය විසින් වෘත්තිය සමිති නායකයන් වෙත යවන ලද ලිපිය .
