Colombo Today Local News

එල්ලුන් ගහට නියම වූ දෙමටගොඩ චමින්ද ඇතුළු සිව්දෙනෙකු ට එරෙහිව අධිචෝදනා භාරදෙයි

2014 වසරේ දී පුද්ගලයෙකු වෙඩි තබා ඝාතනය කිරීමේ චෝදනාවක් සම්බන්ධයෙන් දැනට මරණීය දණ්ඩනය නියම වී සිටින පාතාල කල්ලි නායකයෙකු වන “දෙමටගොඩ චමින්ද” ඇතුළු විත්තිකරුවන් හතර දෙනකුට එරෙහිව කොළඹ මහාධිකරණය හමුවේ අද (07)දින අධිචෝදනා භාර දුන්නේය.

කොළඹ මහාධිකරණ විනිසුරු නවරත්න මාරසිංහ මහතා ඉදිරියේ එම චෝදනා භාරදීම සිදු කෙරුණි.

ඉන් අනතුරුව නඩුව ජනවාරි මස 31 වනදා කැඳවීමට අධිකරණය නියම කළේය.

2014 වසරේ අගෝස්තු මස 01 වනදා බොරැල්ල ප්‍රදේශයේ දී එච්. දුමින්ද හෙවත් චානක නැමැත්තෙකු වෙඩි තබා මරා දැමීම සම්බන්ධයෙන් පාතාල කල්ලි නායකයෙකු බව කියන දැනට මරණීය දණ්ඩනය නියම වී සිටින තම චමින්ද රවී ජයනාත් හෙවත් දෙමටගොඩ චමින්ද ඇතුළු විත්තිකරුවන් හතර දෙනෙකුට එරෙහිව නීතිපතිවරයා එම නඩුව පවරා තිබේ.

භාරත ලක්ෂ්මන් ප්‍රේමචන්ද්‍ර ඝාතනය සම්බන්ධයෙන් වරදකරු කෙරුණු “දෙමටගොඩ චමින්ද” නැමැත්තා ට මේ වන විට මරණීය දණ්ඩනය ද නියම වී සිටී.

Related posts

ඇමති රංගේ බණ්ඩාරගේ පුත්‍රයා ඇප පිට නිදහස්

colombotoday

එරික් සෝල්හයිම් දිවයිනට

colombotoday

ඉස්ලාම් අත්තවාදය වපුරන ගුවන්විදුලි වැඩසටහන වෙනුවෙන් ‘උලමා සභාව‘ පෙරට එයි !

colombotoday

ඉතියෝපියාවට ශ්‍රී ලංකා තානාපති කාර්යාලයක්

colombotoday

සිංහල නම් ගන්න වත්තල ප්‍රාදේශීය ලේකම් කාර්යාලයේ මුස්ලිම් ජාතිකයන් පෝළිමක්…

colombotoday

ඈන් කුමරිය දිවයිනට

Admin