Colombo Today Local News

මත්ද්‍රව්‍ය ජාවාරම්කරුවෙක් තංගල්ලේදී STF දැලේ

රුපියල් එක් කෝටි හතළිස් ලක්ෂයකට අධික මුදලක් සමග මත්ද්‍රව්‍ය ජාවාරම්කරුවෙකු හා ඊට ආධාර අනුබල දුන් තවත් සැකකරුවෙකු පොලිස් විශේෂ කාර්ය බලකායේ නිලධාරින් විසින් අත්අඩංගුවට ගනු ලැබ තිබේ.

ඒ තංගල්ල හා තෙලිකඩ පොලිස් බල ප්‍රදේශවල සිදු කළ මෙහෙයුම්වලිනි.

පොලීසිය පැවසුවේ 32 හැවිරිදි සීනිමෝදර කොස්කොරටුව ප්‍රදේශයේ පදිංචි සැකකරු බහුදින ධීවර යාත්‍රා මගින් මෙරටට මත්ද්‍රව්‍ය රැගෙන ඒමේ ජාවාරමට සම්බන්ධ බවයි.

ඔහු සතුව තිබී මත්ද්‍රව්‍ය ජාවාරමෙන් උපයා ගත් රුපියල් පනස් ලක්ෂයකට අධික මුදලක් ,ග්‍රෑම් 377 ක බරින් යුත් ස්වර්ණාභරණ, හෙරෝයින් ග්‍රෑම් 10 ක් හා දුරකථනයක් සොයා ගෙන තිබේ.

ප්‍රදේශයෙන් පළා ගොස් ඇති ජාවාරමේ ප්‍රධාන සැකකරුගේ පියා ද පොලිස් විශේෂ කාර්ය බලකාය විසින් අත්අඩංගුවට ගනු ලැබූ බව පොලීසිය පවසයි.

ඔහුගේ නිවසේ තිබී විදේශීය රටක නිෂ්පාදිත පිස්තෝලයක් මැගසින් දෙකක්,මත්ද්‍රව්‍ය ජාවාරමෙන් උපයා ගත් රුපියල් අනූලක්ෂයකට අධික මුදලක් ද පොලීසිය භාරයට ගැනිණ.

Related posts

උසස් පෙළ ප්‍රතිඵල නිකුත් වෙයි

Admin

යාල වනඋද්‍යානයේ ගල්ගේ නව පිවිසුම ජනතා අයිතියට

colombotoday

“ඒ ඡන්දෙ පුල්ලෙයාර්ගෙ කසාදෙ වගේ” – මහින්ද දේශප්‍රිය තැබූ සටහන

Admin

ඉල්ලපු දේ දෙන්න ආණ්ඩුව එකග වෙලා.. රන්නප්‍රියගේ තවත් වැඩ වර්ජනයක් අතරමග නවතී

colombotoday

වාහන මිල තවත් ඉහළට !

colombotoday

ජගත් ජයසූරිය ගැන ෆොන්සේකාගේ මතය අගමැති රනිල් අනුමත කරයි !!

colombotoday