Colombo Today Local News

මාලිමාණ්ඩුවේ පළවෙනි බිල්ල මමයි, රුහුණු උපකුලපති කියයි

තමා වෙනුවට රුහුණු විශ්වවිද්‍යාලයට නිසි බලධාරියෙකු පත්කර ඇත්තේ තමන්ට එරෙහිව ගොනුකළ කිසිදු චෝදනාවක් සනාථ වීමෙන් නොවන බව එහි උපකුලපති මහාචාර්ය විශේෂඥ වෛද්‍ය සුජීව අමරසේන පවසයි.

ඔහු පෙන්වා දෙන්නේ විශ්වවිද්‍යාලය පරිපාලනය අවුල් යැයි නිසි බලධාරියෙකු පත් කළ ද එම පරිපාලන අවුල නිර්මාණය කළේ දේශපාලන පක්ෂවලට සම්බන්ධ ශිෂ්‍ය සංගම්, වෘත්තීය සමිති එක්ක බවයි.

මෙම වර්ජනයට නායකත්වය දුන් ආචාර්ය සංගම් සාමාජිකයන් වර්තමාන ආණ්ඩුවට සම්බන්ධ වෘත්තීය සමිති සාමාජිකයන් මෙන් එම ආණ්ඩුව මගින් රාජ්‍ය ආයතනවලට පත් කළ අය ද වන බවයි, උප කුලපතිවරයා ප්‍රකාශ කළේ.

විශ්වවිද්‍යාලය තුළ කාලයක් තිස්සේ සිදුකළ නවක වධය, වංචා දූෂණ, අක්‍රමිකතාවලට, මහජන මුදල් කොල්ලයට එරෙහිව තමා දිගින් දිගට ම කටයුතු කිරීම ශිෂ්‍ය සංගම් මෙන්ම අධ්‍යයන සහ අනධ්‍යයන වෘත්තීය සමිතිවලට තමන් ඉවත් කර ගැනීමට ඇති එකම හේතුව බව ද මහාචාර්ය සුජීව අමරසේන සඳහන් කරයි.

මෙය පැහැදිලිවම වර්තමාන ආණ්ඩුවේ දේශපාලන පළිගැනීමක් බවත් මේ ආණ්ඩුවේ පළවෙනි බිල්ල තමන් බවත් උප කුලපතිවරයා අවධාරණය කරයි. තමන්ට එරෙහිව නඟන වංචා දූෂණ චෝදනා සියල්ල අසත්‍ය බවත් ඒවා ඔප්පු කළහොත් තමා සිරදඬුවම් විඳින්නට සූදානම් බවත් මහාචාර්ය සුජීව අමරසේන ප්‍රකාශ කරයි.

Related posts

ගම්පොල උප නගරාධිපති ෆුර්කාන් සිදුකරන සංවිධානාත්මක ඉඩම් මංකොල්ල කෑමක් ගැන හෙළිදරව්වක්

colombotoday

රට රස්සාවට යන අයට සුබ ආරංචියක්, රක්ෂණය දෙගුණ කරන්න යයි

colombotoday

දියර කිරි ආශ්‍රිත නිෂ්පාදනවල මිලෙහි වෙනසක් වෙන්නේ නැහැ

colombotoday

ෆොන්සේකා ජනපතිගෙන් සමාව ගනී… කැබිනට් ඇමතිකම නූලෙන් බේරෙයි…

colombotoday

තිස්ස අත්තනායකට නඩු !

colombotoday

ඇස් ඇරලාවත් බැලුවේ නැති දුව ගිනි තියාගත්තා කියන්නේ කොහොමද? මුස්ලිම් ඩොක්ටර් සැක බව ඉෂාලිනිගේ මව කියයි.

colombotoday