විශ්වවිද්‍යාල ප්‍රතිපාදන කොමිෂන් සභා සභාපති ඇතුළු සාමාජිකයින් ඉල්ලා අස්වී ඇත.
අස්වීමේ ලිපි ජනාධිපති අනුර දිසානායක මහතා වෙත යොමුකර තිබේ.
මෙසේ ඉල්ලා අස්වී ඇත්තේ ජනාධිපති ලේකම් කාර්යාලය විසින් සිදුකළ දැනුම් දීමකට අනුවයි.
සභාපති මහාචාර්ය සම්පත් අමරතුංග මහතා, උප සභාපති මහාචාර්ය චන්දන පී. උඩවත්ත මහතා ඇතුළු සියළු සාමාජිකයන් ඊයේ දිනයේ සිට ක්‍රියාත්මක වන ඉල්ලා අස්වී ඇත.
ඊට අමතරව විශ්වවිද්‍යාල ප්‍රතිපාදන කොමිෂන් සභාවේ කොමසාරිස්වරුන් ද සිය ඉල්ලා අස්වීමේ ලිපි ජනාධිපතිවරයා වෙත යොමුකර ඇති බව වාර්තා වේග
2020 වර්ෂයේ දී පත්කෙරුණු වත්මන් විශ්වවිද්‍යාල ප්‍රතිපාදන කොමිෂන් සභා සාමාජිකයින්ගේ නිල කාලය ලබන වසරේ මාර්තු මාසයේ අවසන් වීමට නියමිතව තිබුණිග