Colombo Today Local News

සජිත්ගෙන් විශේෂ ප්‍රකාශයක්

තමන් කෙරෙහි විශ්වාසය තබන ලද සෑම සියලු දෙනා වෙතම තම හෘදයාංගම කෘතඥතාව පළ කරන බව විපක්ෂ නායක සජිත් ප්‍රේමදාස මහතා පවසයි.

එසේම සෑම හදවතක් තුළ ම සාමයේ අරුණළු දල්වන්නා වූ එක්සත් හා සමෘද්ධිමත් ශ්‍රී ලංකාවක් උදෙසා වන සිහිනය යථාර්ථයක් බවට පත් කිරීමේ ව්‍යායාමය කෙරෙහි තමන් නොකඩවා කැපවී සිටින බවයි ඒ මහතා සඳහන් කරන්නේ.

සජිත් ප්‍රේමදාස මහතා සිය නිල ෆේස්බුක් පිටුවෙහි තැබූ සටහන පහතින් දැක්වේ.

මා කෙරෙහි විශ්වාසය තබන ලද සෑම සියලු‍ දෙනා වෙත ම මාගේ හෘදයාංගම කෘතඥතාව පළ කරමි. සිංහල, දෙමළ, මුස්ලිම් හෝ බර්ගර් හෝ වෙනයම් ජන ප්‍රජාවක සාමාජිකයකු ලෙස හෝ ඔබ කුමන දේශපාලන මතවාදයක් දැරුවත් මා හට හැඟීගිය ඔබගේ අපේක්ෂාවන් තවදුරටත් දරමින් මා ඉදිරියට යන්නෙමි.

පරාජය පරාජයක් සේ නොසලකා සෑම දරුවකු හට ම සුපෝෂණය වීමේ අවස්ථාව සලසමින් ද ‘තමා පොදු සමාජයේ කොටසක්’ බවට වූ හැඟීමක් සියලු‍ ජන කොට්ඨාස වෙත ඇති කරවීමට ද කටයුතු කරමි. එමෙන් ම සෑම හදවතක් තුළ ම සාමයේ අරුණළු දල්වන්නා වූ එක්සත් හා සමෘද්ධිමත් ශ්‍රී ලංකාවක් උදෙසා වන සිහිනය යථාර්ථයක් බවට පත් කිරීමේ ව්‍යායාමය කෙරෙහි ද නොකඩවා කැපවී සිටින්නෙමි.

අවසාන වශයෙන් මා කෙරෙහි විශ්වාසය රැඳවීම පිළිබඳ ස්තුතිය පළ කරමි. එසේ ම පුරවැසියන් වන අප සියලු දෙනාට ම හිමිවිය යුතු අනාගතය උදෙසා වූ සටන අත් නොහරින බවට ද මෙහිලා පොරොන්දු වෙමි.

-රුවන් නෙළුගොල්ල

Related posts

අනුරට හරි සජිත්ට හරි දුන්නොත්ලබන වසරේ සිට නැවත පෝළිම්

Admin

වඩමාරච්චි මෙහෙයුම හදපු කතාවක්. | ප්‍රභාකරන් හිටියේ යාපනේ. | සටන තිබ්බේ විනාඩි 30 යි. – සරත් ෆොන්සේකා

colombotoday

බියර් සහ සමලිංගිකත්වය අතර සම්බන්ධයක් තියෙනවා – පූජ්‍ය මැදගොඩ අභයතිස්ස හිමි

colombotoday

අදත් රටපුරා ඇදිරිනීතිය…

colombotoday

29ට ප්‍රථම නිල නිවාස බාර නොදුන්නොත් නඩු

Admin

ශ්‍රී ලාංකික “දූ ශශීලා” බහුදින ධීවර යාත්‍රාව ඉරානයෙන් දුන් කෝටි 800ක හෙරොයින් සමග ඉන්දීය නාවික හමුදාව වටලයි

colombotoday