Colombo Today Local News

කුලියාපිටිය නගරය ඇතුළු ප්‍රදේශ කිහිපයකට සංචරණ සීමා ?

කුලියාපිටිය නගරය සහ ඒ අවට ගම් කිහිපයක් ඉතා අවධානම් තත්ත්වයක තිබෙන බව කුලියාපිටිය සෞඛ්‍ය වෛද්‍ය නිලධාරී උත්පල සංකල්ප මහතා පැවසීය.

ඒ අනුව එම ප්‍රදේශ සඳහා සංචරණ සීමා පැනවීම සුදුසු බව අද (22) පැවති ප්‍රාදේශීය සම්බන්ධීකරණ කමිටුවේ දී තීරණය කළ බව ද ඒ මහතා කියා සිටියේය.

කුලියාපිටිය සෞඛ්‍ය වෛද්‍ය කාර්යාලයේ දී බ්‍රිගේඩියර් සජිත් ලියනගේ මහතාගේ මුලිකත්වයෙන් පැවති එම සාකච්ඡාවේ දී දැනට පවතින පැතිරයෑමේ අවධානම සැලකිල්ලට ගෙන එම තීරණය ගත් බවත් ඉහළ නිලධාරීන්ට ඒ පිළිබඳ දැනුවත් කළ බවත් උත්පල සංකල්ප මහතා පැවසීය.

ඒ අනුව කුලියාපිටිය නගර සීමාව, දණ්ඩගමුව හා කබලෑව යන මහජන සෞඛ්‍ය පරීක්ෂක කොට්ඨාස දෙක ඇතුළත් වන ග්‍රාම නිලධාරීන් වසම් 15ක් පමණ සංචරණ සීමා පැනවීම සුදුසු යැයි තීරණය කර තිබේ.

අවුරුදු සමයේ ජනතාවගේ හැසිරීම් හේතුවෙන් මෙසේ යළිත් සංචරණ සීමා පැනවීමට සිදුව ඇතැයි ද පැවසු ඒ මහතා එම කොවිඩ් රැල්ල වළක්වා ගැනීමට ජනතා සහය බලාපොරොත්තු වන බව ද පැවසීය.

Related posts

ළමයි අලෙවි කළ වෙබ් අඩවියේ හිමිකරු අත්අඩංගුවට

colombotoday

අනවසර සංක්‍රමණිකයෝ බුරුතු පිටින් ඇවිත්.. අන්තවාදී ආගම් ප්‍රචාරයේ !! (Photo)

colombotoday

ආපදා තත්ත්වයෙන් පාසල් 630ක් වැසෙයි

colombotoday

උසස් පෙළ අයදුම්පත් සංශෝධන කාලය දීර්ඝ කෙරේ…

Admin

දරුවන් දෙදෙනෙක් දියේ ගිලී මරුට

colombotoday

බදුල්ල අපේක්ෂකයෙක් ඡන්ද දායකයන්ට 5000 බැගින් කෝටි දෙකක් බෙදලා

colombotoday