මැලේසියාවේ කොටි හිතවාදීන්ගේ ප්‍රහාරයට ලක්වීමෙන් පසුව මාධ්‍යට අදහස් දැක්වූ සෙන්ටුල් ශ්‍රී ලංකා බෞද්ධ විහාරාධිපති සිරි සරණංකර හිමි “මම ඉතාමත්ම හොදින් සිටිනවා” යනුවෙන් ප්‍රකාශ කර ඇත.
එක කොටි හිතවාදියෙක් අතින් මුහුණට සහ තවත් දෙදෙනෙක් විසින් විහාරාධිපති හිමියන්ට පා පහරවල් එල්ලකර තිබුනේ ඊයේ (3) හිටපු ජනාධිපති මහින්ද රාජපක්ෂ මහතාට විරුද්ධව විහාරස්ථානය ඉදිරිපිට පැවැත්වුණු උද්ඝෝෂණය අතරතුරදීය.
“බෞද්ධයෙක් වශයෙන් අප අනෙක් අය පිලිබදව කරුණාවන්ත විය යුතුයි. සාමය ආරක්ෂා කර ගැනීම සදහා අනෙක් අය තේරුම් ගත යුතුයි. අභියෝග හමුවේ නොසැලී හොද ගතිගුණ නැතිකර නොගත යුතුයි” යනුවෙන් උන්වහන්සේ පවසා ඇත්තේ Malaysia Today මාධ්‍යආයතනයට සාකච්ඡාවක් ලබා දෙමින්ය.