ඉන්දියාව හා ශ්‍රී ලංකාව අතර පාලමක් තැනීමට යෝජනා වූයේ විමල් වීරවංශ මහතා අමාත්‍යවරයෙකුව සිටියදී එම අමාත්‍යාංශය මගින් සැකසූ “2011 ජාතික භෞතික සැලැස්ම” මගින් බව එජාප පා.ම. එඩ්වඩ් ගුණසේකර මහතා පවසයි.
ඊයේ (30) සිරිකොතදී පැවතී මාධ්‍ය හමුවකදී මන්ත්‍රීවරයා “2011 ජාතික භෞතික සැලැස්ම” පොත මාධ්‍යට ඉදිරිපත් කළ අතර, ඉන්දියාව හා ශ්‍රී ලංකාව අතර පාලමක් හැදීමට වත්මන් ආණ්ඩුව කටයුතු කරන බවට චෝදනා නඟන්නේ විමල් වීරවංශ හා උදය ගම්මන්පිල මහත්වරු බවද පැවසූ ඒ මහතා මෙම පොතින් එහි සත්‍ය අසත්‍යතාවය හෙළිවන බවද පෙන්වාදුන්නේය.
මෙම පොත එවකට විමල් වීරවංශ අමාත්‍යවරයාගේ අමාත්‍යංශය විසින් සැකසූවක් බවත්, අදාළ පාලම තැනීම සඳහා අයෝජන මණ්ඩලය හා මහමාර්ග අමාත්‍යංශය සම්බන්ධ කර ගැනීම සඳහා යෝජනා කර ඇති බවත්, ඔහු කියා සිටියේය.