අද (21) රාත්‍රී සිට මගී දුම්රිය ධාවන කටයුතු තාවකාලිකව අත්හිටුවීමට තීරණය කර තිබේ.
ඒ,දිවයින පුරා සංචරණ සීමා පැනවීම හේතුවෙන්.
අද මධ්‍යම රාත්‍රියේ සිට 27 වන බ්‍රහස්පතින්දා මධ්‍යම රාත්‍රිය දක්වා කිසිදු මගී දුම්රියක් ධාවනය නොකෙරෙන අතර දුම්රිය ධාවන කටයුතු 28 වනදා සිට යළි නියමිත පරිදි ආරම්භ කිරීමට නියමිතය.
සංචරණ සීමා ක්‍රියාත්මක කාලයේ පොදු ප්‍රවාහන සේවා ක්‍රියාත්මක නොවන බව රාජ්‍ය අමාත්‍ය දිලුම් අමුණුගම මහතා සඳහන් කරයි.
මේ අතර සංචරණ සීමා හේතුවෙන් අද (21)සිට 24 වන සඳුදා දක්වා සියලුම ආර්ථික මධ්‍යස්ථාන ද වසා තැබේ.
දිවයිනටම ක්‍රියාත්මක වන පරිදි සංචරණ සීමා පැනවීම අද (21)දින රාත්‍රී 11.00 සිට සිදු වන අතර 25 වන අඟහරුවාදා අලුයම 4.00 දක්වා එය ක්‍රියාත්මක වේ.
මැයි 25 වන අඟහරුවාදා රාත්‍රී 11.00ට යළි පැනවෙන සංචරණ සීමා 28 දින අලුයම 4.00 දක්වා බලපැවැත්වෙයි.