ඉතා හොදින් ජනතාවට සේවය කිරීමටනම් ඉහළ තත්ත්වයේ වටිනා මෝටර් රියක් නැතිව බැරි බවත්, කෝටි හතරක් වටිනා බෙනස් රියක් තමන් රජයෙන් ඉල්ලුවේ එම නිසා බවත් ෆීල්ඩ් මාර්ෂල්, අමාත්‍ය සරත් ෆොන්සේකා මහතා පවසයි.
සිරස රූපවාහිනිය හා සංවාදයකට එක්වෙමින් ෆොන්සේකා මහතා සදහන් කළේ වෙනත් වාහනයක ගියහොත් තෙහෙට්ටුවට ඇදට වැටීමට සිදුවන බවයි. ලංකාවේ දේශපාලකයන් ඉහළ වටිනාකමකින් යුතු වාහන පාවිච්චි කිරීමේ සම්ප්‍රදායක් පවතින බවද ඔහු පැවසීය.
අනෙකුත් ඇමතිරුන් භාවිතා කරන්නේ කෝටි පහක් වටිනා බී.එම්.ඩබ්ලිව් රථ බවත් තමන් ඉල්ලුවේ කෝටි හතරක් වටිනා රථයක් බැවින් රජයට රුපියල් කෝටියක ඉතිරියක් සිදුව තිබෙන බවත් ෆොන්සේකා මහතා වැඩිදුරටත් පැවසීය.