මිදිගම පොලිස් වසමේ තුර්කි ගම්මානයේ දී වෙඩි තැබීමකින් බරපතළ තුවාල ලැබූ පුද්ගලයෙකු වලාන රෝහලට ඇතුළත් කිරිමේදී මිය ගොස් තිබේ.
මෙලෙස ඝාතනය වී ඇත්තේ වයස අවුරුදු 46ක තුර්කි ගම්මානය – මිදිගම ප්‍රදේශයේ පදිංචි පුද්ගලයෙක්.
වෙඩි තැබීමෙන් මියගිය පුද්ගලයාට එරෙහි ව මාතර අධිකරණයේ නඩුවක් පැවත ඇති අතර, ඔහු ඊයේ (20) උදෑසන ඒ සදහා සහභාගි වී ඇති බවට වාර්තා වේ.
සිද්ධිය සම්බන්ධයෙන් සැකපිට පුද්ගලයකු අද (21) උදෑසන මිදිගම බමුණුගොඩ ප්‍රදේශයේ දී අත්අඩංගුවට ගෙන ඇතැයි වැලිගම පොලිසිය පවසයි.
අත්අඩංගුවට ගන්නා ලද සැකකරු පණ්ඩිත්පෙරුම ආරච්චිගේ සුදේෂ් මධුසංඛ නොහොත් බමුණුගොඩ මහත්තයා නම් වයස අවුරුදු 28 පුද්ගලයකි.
ඔහු මිදිගම බමුණුගොඩ ප්‍රදේශයේ නිවසේදී ජීව අත්බෝම්බයක් සමග අද උදෑසන පොලිසිය විසින් අත්අඩංගුවට ගෙන ඇති අතර මේ වන විට රඳවාගෙන ප්‍රශ්න කිරීම් සිදුකරනු ලබයි.