Colombo Today Local News

හාම්පුතුන්ගේ විරෝධය මැද වතු සේවකන්ගේ රු.1000 වැටුප දෙවැනි වරටත් සම්මතයි

වතු සේවකයන්ගේ ⁣දෛනික වැටුප රුපියල් දහස දක්වා ඉහළ දැමීමට පසුගියදා ගත් තීරණය හාම්පුතුන්ගේ විරෝධතාවය මැද ඊයේ (01)දින පැවැති පඩි පාලක සභා රැස්වීමේදී දෙවැනි දිනටත් සම්මත විය.

ඒ අනුව වතු සේවක වැටුප ඉහළ දැමීම ක්‍රියාත්මක කිරීමේ ගැසට් නිවේදනය සතියක් ඇතුළත නිකුත් කරන බව පඩි පාලක සභාවේ සභාපති සහ කම්කරු කොමසාරිස් ප්‍රභාත් චන්ද්‍රකීර්ති පැවසිය.

වතු කම්කරුවන්ට මූලික වැටුප ලෙස රුපියල් 900.00 ක් සහ ජීවන වියදම් දීමනාව ලෙස රුපියල් 140.00 ක් ලබා දීමට පසුගිය 08 වැනිදා පැවැති පඩි පාලක සභා රැස්වීමේදී හාම්පුතුන්ගේ විරෝධය මැද වැඩි ජන්දයෙන් පළමුවරට සම්මත විය. ඊට එකඟ නොවූ වතු හාම්පුතුන් යෝජනා කරනු ලැබුවේ රුපියල් 405.00 ක මූලික වැටුපක් සහ ඊට 10% ක දීමනාවකි. ඒ අනූව යළි මේ පිළිබඳ සාකච්ඡා කිරීමට පඩිපාලක සභාව පසුගිය 19 වැනිදා රැස් වූ අතර හාම්පුතුන් එම රැස්වීමට නොපැමිණි බව සභාපතිවරයා කීවේය. මේ නිසා අදාළ ගැටලුව පිළිබද සාකච්ඡා කිරීමට ඊයේ (1)දින පඩිපාලක සභාව අවසන්වරට රැස්විණි. එම රැස්වීමේදීද වතු සේවකයන්ගේ දෛනික දීමනාව රුපියල් 1000 දක්වා ඉහළ දැමීමට වතු හාමිපුතුන් විරෝධය දැක් වූ බව කී සභාපතිවරයා වතු වෘත්තීය සමිති සහ පඩි පාලක සභාව නියෝජනය කරන කම්කරු දෙපාර්තමේන්තුවේ නිලධාරීන්ගේ වැඩි ඡන්දයෙන් දීමනාව සම්මත වූ බවද කීය. මෙම තීරණය තමන් විසින් සහතික කර කම්කරු ඇමැති නිමල් සිරිපාල ද සිල්වා වෙත ඉදිරිපත් කරන බව කී සභාපති ප්‍රභාත් චන්ද්‍රකීර්ති සතියක් ඇතුළත එය ගැසට් කරනු ඇතැයිද කීය.

Related posts

“ඉතින් අවසරයි අපේ හාමුදුරුවනේ” – ඥානසාර හිමි වෙනුවෙන් පොඩි හාමුදුරු නමක් තැබූ සංවේදී සටහන

colombotoday

මද්‍රාසා පාසල්වල ක්‍රියාකාරීත්වය සොයා බලනවා | අධ්‍යාපන අමාත්‍ය, මහාචාර්ය ජී එල් පීරිස්

colombotoday

මාර්ගගත ක්‍රමය මඟින් විශ්වවිද්‍යාල අයදුම්පත් කැඳවීම ජුනි මස 2වනදායින් අවසන්

colombotoday

නව වසරේ දින 9ක් තුළ ඩෙංගු රෝගීන් 247 ක්

colombotoday

කඩු, කිණිසි, හමුදා ඇදුමට සමාන ඇදුම්, තව්හිද් ජමාත් පත්‍රිකා තොගයක් අත්අඩංගුවට…

colombotoday

පියන් කමකටවත් සුදුසුනැති බොහෝ පිරිසක් අද ඇමති මණ්ඩලේ ඉන්නවා – රාජිත

colombotoday