ජනතාවගෙන් එල්ල වූ දැඩි විරෝධය හමුවේ “මතභේදාත්මක සංක්‍රමණ පනත” හකුලා ගැනීමට ජපාන රජය කටයුතු තිබේ.
මෑතකදී එරට රැඳවුම් මධ්‍යස්ථානයකදී ශ්‍රී ලාංකික තරුණියක් මරණයට පත්වීමෙන් අනතුරුව එම පනතට එරෙහි විරෝධය ඉහළ ගියේය.
අසාර්ථක වූ සරණාගතයින් නැවත අදාළ රටවලට යැවීම පහසුකිරීම සහ ආගමන බලධාරීන්ට වැඩි බලයක් ලබාදීම එම පනතේ එක් අරමුණක් විය.
අනෙක් සංවර්ධිත රටවලට සාපේක්ෂව ජපානය සරණාගතයින්ට එරට පදිංචිවීමට අවස්ථාව ලබාදෙන්නේ අඩුවෙනි.
මේ වනවිට එරටදී යම් සරණාගතයෙක්ගේ ඉල්ලුම්පත්‍රය නිෂ්ප්‍රභ වුවහොත් ඉතා දීර්ඝ කාලයක් රැඳවුම් මධ්‍යස්ථානවල දැඩි දුෂ්කරතා මාධ්‍යයයේ සිටීමට සිදුවේ.
නමුත් පසුගිය මාර්තු මාසයේදී ජපානයේ නගෝයා නගරයේ රැඳවුම් මධ්‍යස්ථානයකදී මියගිය විශ්මා සඳමාලි සරණාගතයෙක් වශයෙන් සැලකිය නොහැක.
33න් හැවිරිදි ඇය එරටට ගොස් තිබුණේ අධ්‍යාපනය සඳහා ය. ඇයට ජපාන බලධාරීන් සලකා තිබූ ආකාරයෙන් එරට සරණාගත ක්‍රමවේදයේ ඇති අඩුපාඩු මනාව පිළිබිඹු වූ බව විදෙස් මාධ්‍ය පෙන්වා දී තිබේ.
ජපාන මාධ්‍ය පැවසුවේ පසුගිය අගෝස්තු මාසයේදී ඇය පොලීසියට ගොස් තිබුණේ ගෘහස්ත හිංසනයක් පිළිබඳ ව පැමිණිලි කිරීම සඳහා ය.
නමුත් වීසා සීමාව ඉක්මවා එරට රැඳී සිටීම හේතුවෙන් එහිදී ඇයව පොලීසිය විසින් රඳවා ගෙන තිබේ.
පවතින කොරෝනා තත්ත්වය හේතුවෙන් ඇයට අවශ්‍ය ලියකියවිලි ලබාගැනීමට ඇති වූ බාධාව ගැන බලධාරීන්ට දැන්වුව ද සඳමාලි ව නිදහස් කිරීමට ජපාන ආගමන නිලධාරීන් ක්‍රියා කළේ නැත.
අවසානයේ දී එම මධ්‍යස්ථානයේ දැඩි දුෂ්කර දිවියක් ගතකළ ඇය මෙලොව හැරගියාය.