කුරුණෑගල වැහැර පොලිස් දූෂණ මර්ධන ඒකකයේ නිලධාරීන් පිරිසකට ඊයේ (18)දින රාත්‍රියේ දී ඓතිහාසික වාරියපොල නුවරකන්ද විහාරයට අයත් පුරාවිද්‍යා රක්ෂිතය තුල නිධන් හාරමින් සිටි පුද්ගලයකු අත්අඩංගුවට ගැනීමට හැකිවිය.
ඔහු සතුව තිබී ගිනි අවි දෙකක්ද පොලිසිය විසින් සොයාගන්න ලදී. එම පුද්ගලයා මෙම විහාරස්ථානය අසල වත්තක මුර කරුවෙකු වේ. නිධන් හාරමින් සිටි තවත් කීපදෙනෙකු පැනගොස් ඇත.
එම පිරිස අතර ප්‍රදේශයේ ග්‍රාමනිලධාරිවරයෙකුද සිටින බවට පොලිසිය සැකකරයි. එම නිලධාරියාට අයත් බවට සැකකරන යතුරුපැදියක් සහ හැදුනුම්පත් දෙකක්ද තවත් යතුරුපැදියක් ද පොලිසිය විසින් සොයාගෙන ඇත. තවද එම ස්ථානයේ තිබී රාජ්‍ය ලකුණ සහිත ටී ෂර්ට් දෙකක් , පොලොව හෑරීමට සහ ගල් කැඩීමට යොදාගන්නා අයුධ ඇතුලු භාණ්ඩ තොගයක්ද පොලිසිය බාරයට ගෙන ඇත. පැනගිය පුද්ගලයින් සොයා විශේෂ මෙහෙයුමක් ආරම්භ කර ඇති බව පොලිසිය කියයි.