රාජ්‍ය අමාත්‍ය නිමල් ලාන්සා හට රාජ්‍ය අමාත්‍ය සනත් නිශාන්ත මහතා විසින් යොමුකළ තර්ජනාත්මක හඬපට කිහිපයක් මේවන විට සමාජ මාධ්‍ය ඔස්සේ සංසරණය වෙයි.
කරුවලගස්වැව ප්‍රදේශීය ලේකම් කොට්ඨාසයේ රණවරාපිටිය ප්‍රදේශයේ මාර්ගයකට මුල්ගල් තැබීමේ සිද්ධියක් පිළිබඳව ඇති වූ මත ගැටුමක් හේතුවෙන් රාජ්‍ය අමාත්‍ය සනත් නිශාන්ත මහතා විසින් වට්ස් ඇප් ඔස්සේ නිමල් ලාන්සා රාජ්‍ය අමාත්‍යවරයා වෙත මෙම හඬපටය යොමුකර තිබුණි.
ඒ පිළිබඳව අප රාජ්‍ය අමාත්‍ය නිමල් ලාන්සා මහතා ඔහු සඳහන් කරන්නේ මෙම හඬපට රාජ්‍ය අමාත්‍ය සනත් නිශාන්ත මහතා විසින් තමන්ට යොමුකළ බවය.
මේ අතර නිමල් ලාන්සා අමාත්‍යවරයා සිය පෞද්ගලික කාර්යය මණ්ඩලය අමාත්‍යාංශයෙන් ඉවත් කරගෙන අමාත්‍ය ධූරයෙන් ඉවත්වීමට සැරසෙන බවට පසුගිය 16 වනදා ජාතික පුවත්පත් කිහිපයක්ම වාර්තා කර තිබුණි.
ඒ අනුව ඊයේ පැවැති මාධ්‍යහමුවකදී නිමල් ලන්සා අමාත්‍යවරයා සිය අමාත්‍යාංශයෙන් පෞද්ගලික කාර්ය මණ්ඩලය ඉවත් කරගැනීම අනුමත කළ නොහැකි බවද රාජ්‍ය අමාත්‍ය සනත් නිශාන්ත ඊයේ (17)දින පැවැති මාධ්‍ය හමුවකදී සඳහන් කළේය.