ව්‍යාජ ලෙස රියදුරු බලපත්‍ර සකස්කරන ස්ථානයක් වැටලීමට පොලිස් විශේෂ කාර්ය බලකා නිලධාරීන්ට හැකිවී තිබේ.
මෙම ජාවාරමේ මිද්දෙණිය, තලාව ප්‍රදේශයේ පවත්වාගෙන එක් ස්ථානයක් පොලීසි විශේෂ කාර්ය බලකාය විසින් වටලා සැකකරුවන් දෙදෙනෙකු අත්අඩංගුවට ගෙන ඇත.
එහිදී ව්‍යාජ ලෙස සකස්කරන ලද තාවකාලින රියදුරු බලපත්‍ර 07ක් සහ ඒවා සැකසීමට යොදාගත් උපකරණ කිහිපයක් ද විශේෂ කාර්ය බලකා භාරයට ගෙන තිබේ.
සැකකරුවන්ගෙන් සිදුකළ වැඩිදුර ප්‍රශ්න කිරීම්වල දී මෙම ජාවාරමේ තවත් මුලස්ථානයක තොරතුරු අනාවරණය කරගෙන ඇත.
එය බොරලැස්ගමුව, වේරහැර ප්‍රදේශයේ පවත්වාගෙන යන බවට හෙළිව තිබේ.
අනතුරුව විශේෂ කාර්ය බලකා නිලධාරීන් විසින් අදාල ස්ථානය ද වටලා ඇති අතර එහිදී ව්‍යජ ලෙස සැකසූ තාවකාලින රියදුරු බලපත්‍ර 06ක් ද සමඟ සැකකරුවෙකු අත්අඩංගුවට ගෙන තිබේ.
